Vijayawada officer: ప్రభుత్వ ఉద్యోగి.. రాత్రి వేళ మహిళతో ఆఫీసులోకి.. ఏంటిది సారూ!

విజయవాడలోని ఏపీటీడీసీ డివిజనల్‌ కార్యాలయంలోని కీలక విభాగంలో బాధ్యతలు నిర్వహిస్తున్న ఉద్యోగి సాగిస్తున్న వ్యవహారం తాజాగా బయటపడింది. రోజు ఫైల్స్‌తో కుస్తీ పడుతున్న ఆయన తన పర్సనల్ పనులకు ఆఫీస్‌ను గెస్ట్ హౌస్‌గా మార్చుకున్నారు. రాత్రిపూట తన బైక్‌పై ఓ మహిళను వెంటబెట్టుకుని కార్యాలయానికి రావటం ప్రారంభించారు. పర్యాటకాభివృద్ధి సంస్థ ఉద్యోగి కావటంతో సెక్యూరిటీ సిబ్బంది అభ్యంతరం చెప్పే పరిస్థితి లేదు. దీంతో ఆయన రెచ్చిపోతున్నారు. రాత్రి సమయంలో ఓ మహిళను బైక్‌పై ఎక్కించుకుని వస్తుండటంతో అనుమానం వచ్చిన సెక్యూరిటీ సిబ్బంది విషయాన్ని ఏపీటీడీసీ అధికారుల దృష్టికి తీసుకెళ్లారు. దీంతో అధికారులు అక్కడున్న సీసీ ఫుటేజీని పరిశీలించారు. దీంతో ఆ ఉద్యోగి అడ్డంగా దొరికిపోయారు. రోజూ రాత్రి సార్ గారు 7 నుంచి 8 గంటల మధ్యలో తన బైకుపై ఓ మహిళను తీసుకురావటం సీసీ కెమెరాల్లో రికార్డైంది. బైక్‌ పార్కు చేసి ఆమెను లోపలికి తీసుకెళ్తున్న దృశ్యాలు కూడా కనిపించాయి. కార్యాలయం తాళం తెరిచి, ఆ మహిళను లోపలికి తీసుకెళ్లి తిరిగి తలుపులు వేయడం.. అరగంట తర్వాత బయటకు వచ్చి బైక్‌పై వెళ్లిన ఆధారాలను సీసీ ఫుటేజీ ద్వారా సేకరించారు. ప్రస్తుతం ఈ వ్యవహారంపై విచారణ జరుగుతోంది.