Vizag: అగ్ని ప్రమాదం కాదు.. పొగలు.. కంటైనర్ టెర్మినల్ ప్రమాదంపై యాజమాన్యం క్లారిటీ

విశాఖపట్నం కంటైనర్ టెర్మినల్‌లో శనివారం మధ్యాహ్నం జరిగిన ఘటనపై యాజమాన్యం స్పందించింది. బ్యాటరీలను అన్‌లోడ్ చేసే సమయంలో బాక్సులో పొగలు వచ్చాయని.. వెంటనే ఆర్పివేసినట్లు తెలిపింది. ప్రజలు ఎవరూ ఆందోళన చెందవద్దంటూ సూచించింది. మరోవైపు ఈ ఘటనపై ప్రభుత్వం కూడా ఆరా తీసినట్లు తెలిసింది. అధికారులను అడిగి ఘటన జరిగిన తీరు. వివరాలు అడిగినట్లు సమాచారం. ఎలాంటి ప్రమాదం జరగలేదని తెలియటంతో అందరూ ఊపిరి పీల్చుకున్నారు.