Weather Update: రేపు ఆ ప్రాంతాలలో భారీ వర్షాలు.. అప్రమత్తమైన ప్రభుత్వం.. కంట్రోల్‌ రూమ్‌లు ఏర్పాటు

ఏపీవాసులకు ముఖ్య గమనిక. బంగాళాఖాతంలో అల్పపీడనం ప్రభావంతో గురువారం కోస్తా జిల్లాలలో భారీ నుంచి అతి భారీ వర్షాలు కురిసే అవకాశం ఉంది. ఈ మేరకు వాతావరణ శాఖ హెచ్చరించింది. ఈ నేపథ్యంలో ఏపీ ప్రభుత్వం అప్రమత్తమైంది. జిల్లా కలెక్టర్లు, అధికారులతో హోం మంత్రి వంగలపూడి అనిత సమీక్షించారు. జిల్లాలలో కంట్రోల్ రూమ్‌లు ఏర్పాటుచేయాలని సూచించారు. ఎన్డీఆర్ఎఫ్, ఎస్డీఆర్ఎఫ్ సిబ్బంది సిద్ధంగా ఉండాలన్నారు. మరోవైపు విజయవాడలో బుధవారం వర్షం దంచికొట్టింది.