YSRCP: నేను వైసీపీలో ఉండటం వారికి ఇష్టం లేదు.. అందుకే అలా సృష్టించారు..బాలినేని సంచలన వ్యాఖ్యలు

వైఎస్సార్ కాంగ్రెస్ పార్టీకి రాజీనామా చేసిన మాజీ మంత్రి బాలినేని శ్రీనివాసరెడ్డి జనసేనలో చేరనున్నట్లు తెలిసింది. రేపు జనసేన అధినేత పవన్ కళ్యాణ్‌తో బాలినేని శ్రీనివాసరెడ్డి భేటీకానున్నారు. ఈ సమావేశం తర్వాత జనసేనలో ఎప్పుడు చేరతారనే విషయమై ఓ క్లారిటీ రానుంది. మరోవైపు వైసీపీకి రాజీనామా చేసిన తర్వాత బాలినేని తొలిసారిగా మీడియాతో మాట్లాడారు. రాజీనామాకు దారితీసిన పరిస్థితులను వివరించారు. అలాగే వైసీపీలో కోటరీ నడుస్తోందని.. తాను పార్టీలో ఉండటం కూడా వారికి ఇష్టం లేదంటూ సంచలన వ్యాఖ్యలు చేశారు.