అజారుద్దీన్‌కు 2 శాఖలు కేటాయించిన తెలంగాణ సర్కార్.. ఏమేం ఇచ్చారంటే?

అజారుద్దీన్‌‌కు శాఖల కేటాయింపు పూర్తి అయింది. ఇటీవలె మంత్రిగా ప్రమాణ స్వీకారం చేసిన ఆయనకు తెలంగాణ ప్రభుత్వం శాఖలను కేటాయించింది. మైనార్టీ సంక్షేమంతోపాటు.. పబ్లిక్ ఎంటర్‌ప్రైజెస్‌ వంటి పోర్ట్‌ఫోలియోలను అప్పగించారు. ఇక ఇటీవలె రేవంత్ రెడ్డి మంత్రివర్గంలోకి అజారుద్దీన్‌ను తీసుకున్నారు. అయితే అజారుద్దీన్‌కు ఇంకా ఎమ్మెల్సీ పదవి ఇవ్వడంపై గవర్నర్ ఆమోదం తెలపనప్పటికీ.. ఆయనకు మాత్రం హస్తం పార్టీ హైకమాండ్ మంత్రి పదవిని కట్టబెట్టింది.