అడవిదేవతలకు ఆలయాలు.. భారీగా నిధులు మంజూరు.. మారనున్న మేడారం రూపురేఖలు..!

మేడారానికి మహర్ధశ పట్టనుంది. ఇప్పటివరకు చిన్న చిన్న ఆలయాల్లో ఉన్న వనదేవతలు ఇకపై పెద్ద పెద్ద ఆలయాల్లో కొలువుదీరనున్నారు. ఈ మేరకు.. మేడారం సమ్మక్క, సారక్కకు కొత్త ఆలయాలు నిర్మించేందుకు ప్రభుత్వం కసరత్తు చేస్తోంది. ఇందులో భాగంగా ఇప్పటికే భారీగా నిధులు మంజూరు చేసిన ప్రభుత్వం.. ఇప్పుడు టెండర్ ప్రక్రియ కూడా పూర్తి చేసింది. దీంతో.. ఆలయ నిర్మాణ పనులు త్వరలోనే ప్రారంభం కానున్నాయి. వచ్చే మాహాజాతర నాటికి ఆలయం నిర్మాణాలు పూర్తి చేయాలని ప్రభుత్వం భావిస్తోంది.