అనంతపురం జిల్లాలో భారీ వానలు.. వరదలో చిక్కుకున్న హీరో నాగార్జున

సినీ నటుడు, టాలీవుడ్ హీరో అక్కినేని నాగార్జున వరదల్లో చిక్కుకున్నారు. అనంతపురం జిల్లా వ్యాప్తంగా సోమవారం రాత్రి భారీ వర్షం కురిసింది. అయితే ఓ జ్యువెలరీ షాపు ప్రారంభోత్సవానికి అనంతపురం వెళ్లిన నాగార్జున ఈ వరదలో చిక్కుకున్నారు. పుట్టపర్తి విమానాశ్రయం నుంచి అనంతపురానికి కారులో వెళ్తున్న సమయంలో వరద ప్రవాహం కారణంగా ఆయన కారు నిలిచిపోయింది. దీంతో నిర్వాహకులు మరో మార్గంలో అనంతపురం తీసుకువెళ్లారు. ఆ తర్వాత అనంతపురంలో నగల షాపు ప్రారంభోత్సవంలో నాగార్జున పాల్గొన్నారు.