అనంతపురం: మటన్ సరిగా ఉడకలేదని పోలీస్ స్టేషన్‌కు.. పెద్ద చిక్కొచ్చిపడింది..

అనంతపురం జిల్లా తాడిపత్రి పోలీసులకు ఆదివారం వింత ఫిర్యాదు అందింది. తాడిపత్రికి చెందిన ఓ వ్యక్తి.. మటన్ దుకాణం వద్ద మటన్, తలకాయ కొనుగోలు చేశాడు. ఇంటికెళ్లిన తర్వాత కుక్కర్‌లో ఉడికించాడు. అయితే ఎంతసేపటికీ ఆ మాంసం ఉడకలేదంటూ పోలీస్ స్టేషన్‌ను ఆశ్రయించాడు. తనకు మటన్ అమ్మిన షాప్ అతనిపై ఫిర్యాదు చేసేందుకు పోలీస్ స్టేషన్‌కు వెళ్లాడు. దీంతో పోలీసులు విస్తుపోయారు. ఆ తర్వాత అతనికి సర్ది చెప్పి ఇంటికి పంపించారు.