అనంతపురాన్ని ముంచెత్తిన పండమేరు.. విజయవాడ వరదల్లాగే, నీట మునిగిన కాలనీలు

Anantapur Rains Pandameru Flood: ఉమ్మడి అనంతపురంలో భారీ వర్షాలు ముంచెత్తాయి. అనంతపురం, పెనుకొండ, ధర్మవరం, రాప్తాడులో కురిసిన వర్షానికి.. వాగులు వంకలు పొంగిపొర్లుతున్నాయి. ఈ వర్షాలతో పండమేరు వాగు ఉద్ధృతంగా ప్రవహించి.. అనంతపురంలోని పలు శివారు కాలనీలను ముంచెత్తి.. పలు ఇళ్లు నీటిలో చిక్కుకున్నాయి. వరదలో ఆటోలు, బైక్‌లు కొట్టుకుపోయాయి. ఇళ్లలోకి వరదనీరు చేరడంతో కాలనీ వాసులను అధికారులు సురక్షిత ప్రాంతాలకు తరలిస్తున్నారు. వరదకు సామాగ్రి, నిత్యవసర సరుకులు కొట్టుకుపోవడంతో వారంతా ఆవేదన వ్యక్తం చేస్తున్నారు.