అనకాపల్లి: 17 ఏళ్లకే చోరీలు, హత్య.. ఆపై సాఫ్ట్‌వేర్ జాబ్, కట్ చేస్తే.. లేడీ డాన్.!

అనకాపల్లి జిల్లా నాతవరం పోలీసులు ఇటీవల ఓ గంజాయి ముఠాను అరెస్ట్ చేసిన సంగతి తెలిసిందే. వీరిలో సాఫ్ట్‌వేర్ ఉద్యోగిని రేణుక కూడా ఉన్న సంగతి తెలిసిందే. ఈ కేసులో రేణుక ప్రస్తుతం విశాఖ సెంట్రల్ జైలులో ఉంది. అయితే రేణుకకు సంబంధించి అనేక సంచలన విషయాలు వెలుగులోకి వస్తున్నాయి. రేణుక సాఫ్ట్‌వేర్ జాబ్ చేసినట్లు చెప్తున్నా.. ఆమె వ్యవహార శైలి నేపథ్యంలో పోలీసులు అనుమానం వ్యక్తం చేస్తున్నారు. అటు ఊరిజనం కూడా రేణుక బీటెక్ ఎక్కడ చదివిందో తెలియదని చెప్తున్నారు.