అనుకున్నది సాధించిన చంద్రబాబు.. కుప్పం దశ తిరిగింది, ఏకంగా రూ.2203.5 కోట్లు

Kuppam New Industries Foundation: కుప్పం నియోజకవర్గం దశ తిరిగింది! చంద్రబాబు ప్రత్యేక దృష్టితో భారీ పరిశ్రమలు, పెట్టుబడులు వస్తున్నాయి. తొలిదశలో 8 పరిశ్రమలకు రూ.2203.5 కోట్ల పెట్టుబడులతో 241 ఎకరాల్లో శంకుస్థాపన జరగనుంది. ఈ కంపెనీలు, పరిశ్రమలతో ప్రత్యక్షంగా, పరోక్షంగా వేలాది మందికి ఉపాధి అవకాశాలు లభించనున్నాయి. పలార్లపల్లె, పొగరుపల్లె, పోడూరు, తంబిగానిపల్లె, విజలాపురం ప్రాంతాల్లో పరిశ్రమలు ఏర్పాటు చేయబోతున్నారు. త్వరలో మరికొన్ని కంపెనీలు, పరిశ్రమలు కుప్పానికి వస్తాయని చెబుతున్నారు.