అప్పన్న ఆలయంలో ప్రకృతి జలధారలు

సింహాచలం అప్పన్నస్వామి ఆలయంలో ప్రకృతి జలధారలు సందడి చేస్తున్నాయి. తుఫాను వల్ల రెండు రోజులుగా ఎడతెరిపి లేకుండా కురుస్తున్న వర్షాలకు అప్పన్నస్వామి కొలువై ఉన్న సింహాగిరిపై ప్రకృతి జలధారలన్నీ పొంగిపొర్లుతున్నాయి. కొండవాలు నుంచి మెట్ల మార్గంలో ప్రవహిస్తున్న నీటి ప్రవాహం కనువిందు చేస్తున్నాయి. దీంతో మెట్ల మార్గంలో భక్తులను వెళ్లనీయకుండా దేవస్థానం అధికారులు ముందస్తు చర్యలు చేపట్టారు.