అరుదైన వ్యాధితో 9 ఏళ్ల కుమారుడు మృతి.. IVFతో అదే పోలికలు, మచ్చతో పుట్టిన మరో బాలుడు

హాయిగా సాగిపోతున్న జీవితం వారిది. రత్నాల్లాంటి ఇద్దరు పిల్లలు. మా చిన్న ప్రపంచం అంటే మాకు ప్రాణం అంటూ ఆ కుటుంబం సాఫీగా జీవనాన్ని సాగిస్తుంటే.. అనుకోని ఘటన వారిని చిన్నాభిన్నం చేసింది. 9 ఏళ్ల వయసులో అరుదైన వ్యాధితో ఆ ఇంటి పెద్ద కుమారుడు ప్రాణాలు కోల్పోయాడు. దీంతో ఐవీఎఫ్ ద్వారా ఆ జంట.. మరో బిడ్డకు జన్మనిచ్చింది. సరిగ్గా ఏడాది తిరిగే లోపు.. అచ్చం అలాంటి పోలికలు, మచ్చతో మరో బాలుడు పుట్టడంతో.. ఆ తల్లిదండ్రుల ఆనందానికి అవధుల్లేకుండా పోయాయి.