అలాంటోళ్లకు బ్రాహ్మణుడిని అని చెప్పుకునే అర్హతే లేదు.. గరికపాటి కీలక వ్యాఖ్యలు

కులాల పుట్టుక, కులవివక్షపై ప్రముఖ ప్రవచన కర్త గరికపాటి నరసింహారావు కీలక వ్యాఖ్యలు చేశారు. కులాలు పుట్టుకతో ఏర్పడలేదని.. గుణకర్మల ఆధారంగానే కులాలు పుట్టాయని అన్నారు. ఈ విషయాన్ని శ్రీకృష్ణుడు భగవద్గీతలో బోధించారన్నారు. బ్రాహ్మణ వృత్తి చేయని వ్యక్తి బ్రాహ్మణుడిగా చెప్పుకునే అర్హత కోల్పోతాడని.. గిరిజనులలో పుట్టి పాఠాలు బోధించేవారే అసలైన బ్రాహ్మణుడిగా పరిగణించబడతారని అన్నారు. గీతా సారాంశాన్ని పూర్తిగా అర్థం చేసుకుంటే కుల వివక్షకు తావుండదని గరికపాటి విశ్లేషించారు.