అల్లు అర్జున్‌కు రిలీఫ్.. ఏపీ హైకోర్టు కీలక ఆదేశాలు

ఐకాన్ స్టార్ అల్లు అర్జున్‌కు ఏపీ హైకోర్టులో బిగ్ రిలీఫ్ లభించింది. వచ్చే నెల ఆరో తేదీ వరకూ అల్లు అర్జున్ మీద ఎలాంటి చర్యలు తీసుకోవద్దని నంద్యాల పోలీసులను హైకోర్టు ఆదేశించింది. నవంబర్ 6న దీనిపై ఉత్తర్వులు ఇస్తామని వెల్లడించింది. ఎన్నికల నియమావళిని ఉల్లంఘించారంటూ అల్లు అర్జున్, నంద్యాల మాజీ ఎమ్మెల్యే శిల్పా రవిచంద్ర కిషోర్ రెడ్డిపై నంద్యాల పోలీసులు కేసు పెట్టిన సంగతి తెలిసిందే. ఆయితే ఈ కేసును కొట్టేయాలంటూ అల్లు అర్జున్, శిల్పా రవిచంద్రకిషోర్ రెడ్డి హైకోర్టులో పిటిషన్ దాఖలు చేశారు.