ఆ జిల్లాకు కార్పొరేషన్ హోదా.. అభివృద్ధికి సర్కారు భారీ ప్లాన్..

నల్గొండ పట్టణాన్ని మున్సిపల్ కార్పొరేషన్‌గా మారుస్తూ తెలంగాణ ప్రభుత్వం తీసుకున్న నిర్ణయం ఆ ప్రాంత అభివృద్ధికి కొత్త ఊపిరి పోసింది. ఈ హోదా దక్కడం వల్ల కేంద్రం నుండి నేరుగా నిధులు పొందే అవకాశం లభించడమే కాకుండా.. పట్టణ మౌలిక సదుపాయాలు మెరుగుపడనున్నాయి. సుమారు 700 కోట్ల రూపాయలతో రింగ్ రోడ్డు, 450 కోట్లతో కాలువల లైనింగ్ పనులు మరియు ఆరు వరుసల రహదారుల నిర్మాణానికి ప్రభుత్వం ప్రణాళికలు సిద్ధం చేసింది. నల్గొండను 'సూపర్ స్మార్ట్ సిటీ'గా మార్చే లక్ష్యంతో పని చేస్తానని మంత్రి కోమటి రెడ్డి తెలిపారు.