ఆ జిల్లాల్లో వందల గ్రామాలు ఎలా మాయమయ్యాయి?.. ఆంధ్రప్రదేశ్ హైకోర్టు ఆశ్చర్యం

AP High Court On Scheduled Areas Villages: ఏపీ హైకోర్టు విజయనగరం జిల్లాలోని వివిధ మండలాల పరిధిలో షెడ్యూల్డ్‌ ఏరియా గ్రామాల అంశంపై విస్మయం వ్యక్తం చేసింది. గతంలో షెడ్యూల్డ్‌ ఏరియాలో 792 గ్రామాలు ఉన్నాయని.. ఇప్పుడు ప్రస్తుతం ఆ సంఖ్య 292కి తగ్గిందని గుర్తు చేసింది. మరి మిగిలిన గ్రామాలు ఎలా మాయమయ్యాయని ప్రశ్నించింది. షెడ్యూల్డ్‌ ఏరియాను ఎందుకు, ఏ అధికారంతో కుదిస్తున్నారో చెప్పాలని ప్రశ్నించింది. ఈ అంశంపై పూర్తి వివరాలను కోర్టు ముందు ఉంచాలని కేంద్ర గిరిజన సంక్షేమశాఖ కార్యదర్శిని ఆదేశించింది.