ఆ జిల్లాల్లోని పేదలకు బిగ్ రిలీఫ్.. ఏపీ ప్రభుత్వం కీలక నిర్ణయం.. నిధులు కేటాయింపు..

AP Government Funds allocation for community health centers: ఏపీ ప్రభుత్వం మరో కీలక నిర్ణయం తీసుకుంది. రాష్ట్రంలోని పేద ప్రజలకు మెరుగైన వైద్యసేవలు అందించాలనే లక్ష్యం దిశగా మరో నిర్ణయం తీసుకుంది. రాష్ట్రంలోని 9 సామాజిక ఆరోగ్య కేంద్రాలలో అదనపు మౌలిక సౌకర్యాల అభివృద్ధికి నిధులు కేటాయించింది. మొత్తం 9 సామాజిక ఆరోగ్య కేంద్రాలకు గానూ రూ.51.75 కోట్లను ఖర్చు చేయనున్నట్లు ఏపీ వైద్యారోగ్య శాఖ మంత్రి సత్యకుమార్ యాదవ్ వెల్లడించారు. అలాగే అల్లూరి సీతారామరాజు జిల్లా చింతూరు సామాజిక ఆరోగ్య కేంద్రాన్ని వంద పడకల ఆస్పత్రిగా అప్ గ్రేడ్ చేయాలని నిర్ణయించారు.