ఆంధ్రప్రదేశ్‌లో మరో కొత్త రైలు మార్గం.. ఈ రూట్‌లోనే ఫిక్స్, వారికి 60 ఏళ్ల కల!

Andhra Pradesh New Railway Line: ఏపీలో రైల్వే ప్రాజెక్టులపై ప్రభుత్వం ఫోకస్ పెట్టింది.. ఈ మేరకు భూ సేకరణ చేయాలని ముఖ్యమంత్రి చంద్రబాబు ఆదేశించారు. ఈ ప్రాజెక్టు త్వరలోనే పట్టాలెక్కబోతోంది. కొవ్వూరు-భద్రాచలం రోడ్డు స్టేషన్ల మధ్య రైలు మార్గం అభివృద్ధి చేస్తే రెండు తెలుగు రాష్ట్రాలకు ఉపయుక్తంగా ఉంటుందని గతంలోనే కేంద్ర రైల్వేశాఖ మంత్రి అశ్వినీ వైష్ణవ్‌ను కూటమి నేతలు కోరారు. రూ.923.23 కోట్ల అంచనా వ్యయంతో భద్రాచలం రోడ్డు-కొవ్వూరు మధ్య కొత్త రైలు మార్గం నిర్మాణానికి కేంద్ర, రాష్ట్ర ప్రభుత్వాలు చెరిసగం భరించేలా ఆంధ్రప్రదేశ్‌ ప్రభుత్వం, రైల్వే మంత్రిత్వ శాఖ 2012లో అంగీకరించాయి. కానీ ఆ తర్వాత ఆ దిశగా అడుగులు పడలేదు. మళ్లీ ఇప్పుడు కసరత్తు చేస్తున్నారు.