ఆత్మీయుడు, మిత్రుడు చంద్రబాబుకు స్పెషల్ రిక్వెస్ట్.. మోహన్ బాబు ట్వీట్

తిరుపతి లడ్డూ వివాదంపై సినీనటుడు మంచు మోహన్ బాబు స్పందించారు. ఈ విషయం తెలియగానే శ్రీవారి భక్తుడిగా తల్లిడిల్లిపోయానని అన్నారు. శ్రీవారి సన్నిధిలో ఇలా జరగడం నీచం, హేయం, నికృష్టమంటూ భావోద్వేగానికి గురయ్యారు. ఇదే కనుక నిజమైతే కారకులను కఠినంగా శిక్షించాలని సీఎం చంద్రబాబు నాయుడిని కోరుతున్నట్లు మోహన్ బాబు ట్వీట్ చేశారు. మరోవైపు ఈ వ్యవహారాన్ని ప్రభుత్వం కూడా సీరియస్‌గా తీసుకుంది. సమగ్ర నివేదిక ఇవ్వాలని టీటీడీ ఈవోను ఆదేశించింది.