ఆమె అమ్మాయి కాదు అబ్బాయి.. 27 ఏళ్ల తర్వాత బయటపడిన అసలు ముచ్చట.. సిద్దిపేటలో అరుదైన ఘటన

ఆ దంపతులకు తొలి సంతానంగా అమ్మాయి పుట్టింది. లక్ష్మీదేవే పుట్టిందని మురిసిపోయారు. కావ్యశ్రీ అని పేరు పెట్టి.. ఎంతో సుకుమారంగా పెంచుకున్నారు. యుక్తవయసు వరకు అంతా సాధారణంగానే ఉన్నా.. ఆ తర్వాత నుంచి ఆమె శరీరంలో మార్పులు మొదలయ్యాయి. మొదట పెద్దగా పట్టించుకోలేదు కానీ.. 26 ఏళ్ల వయసు వచ్చేసరికి.. ఆమెలో తీవ్రమైన మార్పులు వచ్చాయి. ఏమైందా అని డాక్టర్ల దగ్గరికి వెళ్తే.. అసలు విషయం బయటపడింది. ఆమె ఆమె కాదు అతడు అని వైద్యులు తేల్చారు. ఈ అరుదైన ఘటన సిద్దిపేట జిల్లాలో జరిగింది.