ఆర్టీసీ ఉద్యోగులకు చంద్రబాబు వినాయక చవితి కానుక.. సీఎం నిర్ణయంతో సంబరాలు

వినాయక చవితి సందర్భంగా ఆంధ్రప్రదేశ్ ఆర్టీసీ ఉద్యోగులకు సీఎం చంద్రబాబు నాయుడు తీపి కబురు అందించారు. చాలా కాలంగా ఎదురుచూస్తున్న ఉద్యోగుల పదోన్నతులకు ముఖ్యమంత్రి గ్రీన్ సిగ్నల్ ఇచ్చారు. దంతో డ్రైవర్లు, కండక్టర్లు, గ్యారేజీ సిబ్బందితో సహా దాదాపు 3 వేల మందికి ప్రయోజనం చేకూరనుంది. వైసీపీ అధికారంలో ఉన్నప్పుడు ఆర్టీసీని.. ప్రభుత్వంలో విలీనం చేసిన సంగతి తెలిసిందే. కానీ, విలీనం చేశాక ప్రమోషన్లను మాత్రం ఇవ్వలేదని యూనియన్ నాయకులు అన్నారు.