ఆర్టీసీ బస్సుల్లో 25 శాతం రాయితీ.. ఈ ఆరింటిలో ఏది ఉన్నా చాలు.. ఒరిజినల్ లేకున్నా నో ప్రాబ్లమ్

వృద్ధులకు ఏపీఎస్ఆర్టీసీ గుడ్ న్యూస్ చెప్పింది. కరోనా సమయంలో నిలిపివేసిన టికెట్లపై 25 శాతం రాయితీని మళ్లీ తీసుకువచ్చింది. 60 ఏళ్లు పైబడిన వృద్ధులకు ఏపీఎస్ఆర్టీసీ బస్సుల్లో 25 శాతం రాయితీ కల్పిస్తూ నిర్ణయం తీసుకున్నారు. వృద్ధులకు టికెట్‌పై 25 శాతం రాయితీ నిబంధనలపై కొన్నిచోట్ల నుంచి ఫిర్యాదులు రావటంతో ఏపీఎస్ఆర్టీసీ మరోసారి మార్గదర్శకాలు విడుదల చేసింది. తాము చెప్పిన ఆరు గుర్తింపు కార్డులలో ఏ ఒక్కటి ఉన్నా కూడా 25 శాతం రాయితీ వర్తిస్తుందని.. అలాగే ఒరిజినల్ లేకపోతే ఫోన్‌లో డిజిటల్ కార్డులు చూపించినా చాలని ఏపీఎస్ఆర్టీసీ ఉత్తర్వుల్లో స్పష్టం చేసింది.