ఆసియాలోనే టాప్ షాపింగ్ స్ట్రీట్స్ హైదరాబాద్‌లో, లిస్ట్ ఇదే.. ర్యాంకింగ్ ఎలా ఇస్తారంటే?

ప్రపంచవ్యాప్తంగా గుర్తింపు పొందిన షాపింగ్ స్ట్రీట్స్‌ ఉన్న నగరంగా హైదరాబాద్‌ మరో రికార్డ్ సృష్టించింది. ఆసియాలోనే టాప్ షాపింగ్ స్ట్రీట్స్ జాబితాలో.. హైదరాబాద్‌లోని బంజారాహిల్స్, హిమాయత్‌నగర్ చోటు దక్కించుకున్నాయి. కుష్మాన్, వేక్‌ఫీల్డ్ విడుదల చేసిన నివేదికలో.. ఈ రెండు స్ట్రీట్స్ రిటైల్ షాపింగ్‌కు కేంద్రాలుగా నిలిచాయి. అంతర్జాతీయంగా పోటీపడే స్థాయిలో హైదరాబాద్‌ను నిలబెట్టాయి. తెలుగు రాష్ట్రాల నుంచి ఈ ఘనత సాధించిన ఏకైక నగరం హైదరాబాద్ కావడం గమనార్హం.