ఆస్పత్రిలో లేడీ నర్సుపై ట్రాన్స్‌జెండర్ల దాడి

ఓ ఆరుగురు హిజ్రాలు.. మ‌హిళా న‌ర్సుపై దాడికి పాల్పడిన ఘ‌ట‌న నెల్లూరు జిల్లా కందుకూరులో వెలుగు చూసింది. కోవూరు రోడ్డులోని ఓ ప్రైవేట్ ఆస్పత్రికి దసరా మామూలు కోసం వచ్చిన ఆరుగురు ట్రాన్స్‌జెండ‌ర్లు అక్కడున్న ఓ న‌ర్సుపై దాడి చేశారు. డిమాండ్ చేసినంత మాత్రన డబ్బులు ఇవ్వలేనని నర్సు అన్నారు. అనంతరం ఇరు వర్గాల మధ్య వాగ్వాదం జరిగింది. నర్సును ఇష్టమొచ్చినట్లు హిజ్రాలు బూతులు తిట్టారు. అనంతరం జుట్టు పట్టుకొని బయటకు ఈడ్చుకెళ్లి కొట్టారు.బట్టలు చించేసి నర్సుపై దాడి చేశారు. బాధిత నర్సు పోలీసులకు ఫిర్యాదు చేశారు. పోలీసులు కేసు న‌మోదు చేసుకుని ద‌ర్యాప్తు చేప‌ట్టారు. న‌ర్సుపై హిజ్రాల దాడికి సంబంధించిన సీసీటీవీ ఫుటేజ్ వైరల్ అవుతోంది.