ఇంటర్‌ ఏపీలో చదివితే తెలంగాణ స్థానిక హోదా లేనట్టేనా?.. సుప్రీంకోర్టు కీలక తీర్పు

తెలంగాణలో పదో తరగతి వరకు చదివి, ఇంటర్మీడియట్‌ రెండేళ్లు ఆంధ్రప్రదేశ్‌లో చదివిన జెల్ల అంకితకు 2026–27 ఎంబీబీఎస్‌ కౌన్సెలింగ్‌లో స్థానిక అభ్యర్థి హోదా కల్పించాలన్న పిటిషన్‌ను సుప్రీంకోర్టు కొట్టివేసింది. అర్హత పరీక్షకు ముందు నాలుగేళ్లు తెలంగాణలో చదివి ఉండాలన్న నిబంధన ఆమెకూ వర్తిస్తుందని ధర్మాసనం స్పష్టం చేసింది. తండ్రి ఉద్యోగ బదిలీ కారణంగా కాకుండా చదువు కోసం స్వచ్ఛందంగా ఏపీకి వెళ్లినందున మినహాయింపు ఇవ్వలేమని పేర్కొంది. వెసులుబాటు కల్పిస్తే రాష్ట్రపతి ఉత్తర్వుల ఉద్దేశం దెబ్బతింటుందని వ్యాఖ్యానించింది. కాబట్టి తెలంగాణలోనే ఎల్‌కేజీ నుంచి పదో తరగతి వరకు చదివినా స్థానిక కోటా వర్తించదని స్పష్టం చేసింది.