ఇక కరెంట్ కష్టాలకు చెక్.. ఆ రెండు పట్టణాల్లో బ్యాటరీ ఇంధన ప్లాంట్లు, తెలంగాణలోనే తొలిసారిగా..!

తెలంగాణలో తొలిసారిగా బాటరీ ఇంధన నిల్వ వ్యవస్థల (BESS) ఏర్పాటుకు ప్రభుత్వం అనుమతిచ్చింది. గ్రేటర్ హైదరాబాద్‌కు నిరంతర విద్యుత్ సరఫరా, గరిష్ట డిమాండ్‌ను ఎదుర్కోవడమే లక్ష్యంగా వీటిని ఏర్పాటు చేస్తున్నారు. మహేశ్వరం, చౌటుప్పల్‌లో 1500 మెగావాట్ల సామర్థ్యంతో ఈ యూనిట్లు రానున్నాయి. తక్కువ డిమాండ్ సమయంలో విద్యుత్‌ను నిల్వ చేసి, అధిక డిమాండ్ సమయంలో సరఫరా చేస్తారు. ఇది విద్యుత్ కొనుగోళ్ల భారాన్ని తగ్గిస్తుంది.