ఇక్కడేమో మాడు పగలగొడుతున్న ఎండలు.. అక్కడ మాత్రం వానలు.. ఇదేం వాతావరణం?

ఏపీలో భిన్నమైన వాతావరణం ఏర్పడుతోంది. కొన్ని ప్రాంతాల్లో ఎండలు మండిపోతున్నాయి. వడగాలులు, ఉక్కబోతతో జనం ఉక్కిరిబిక్కిరి అవుతున్నారు. మరోవైపు మరికొన్ని చోట్ల వర్షం కురవనుంది. ఏపీ విపత్తుల నిర్వహణ సంస్థ ఈ మేరకు వెల్లడించింది. మంగళవారం రాయలసీమలోని కొన్ని చోట్ల ఉరుములతో కూడిన తేలికపాటి నుంచి మోస్తరు వర్షం కురిసే అవకాశం ఉందని అంచనా వేసింది. మరోవైపు కొన్ని జిల్లాలలో తీవ్రవడగాలులు వీస్తాయని ప్రజలు అప్రమత్తంగా ఉండాలని సూచించింది.