ఈ కానిస్టేబుల్ యమకంత్రీ.. ప్రేమికులే టార్గెట్, కనిపించారో అంతే సంగతులు!

అతడో కానిస్టేబుల్. కానీ చేసేవి మాత్రం పక్కా కంత్రీ పనులే. ప్రేమికులు కనిపిస్తే చాలు.. పూనకాలు వచ్చినట్లు ఊగిపోతాడు. తన చేతికి పని చెబుతాడు. తన అనుచరుడితో కలిసి.. కనిపించిన ప్రేమ జంటలను బెదిరించేవాడు. ఆ తర్వాత వారి నుంచి అందినకాడికి డబ్బులు వసూలు చేసేవాడు. అయితే వీరిద్దరి వేధింపుల కారణంగా.. ఓ బీటెక్ విద్యార్థిని ఆత్మహత్య చేసుకుంది. దీంతో రంగంలోకి దిగిన పోలీసులు.. అనుచరుడిని అరెస్ట్ చేయగా అసలు బండారం బయటపడింది. ఆ కానిస్టేబుల్‌ పాత్ర బయటికి రావడంతో అతడ్ని సస్పెండ్ చేశారు.