ఈ స్కూల్‌లో సీటొస్తే పండగే.. చదువుతోపాటు అన్నీ నేర్పిస్తారు.. బోధన, హాస్టల్ అన్నీ ఫ్రీ

సాందీపని గురుకులం విద్యా సంవత్సరానికి గానూ నాలుగో తరగతి ప్రవేశాలకు నోటిఫికేషన్ విడుదల చేసింది. కేంద్ర ప్రభుత్వ గుర్తింపుతో నడుస్తున్న ఈ గురుకులం, ప్రాచీన వేద విద్యతో పాటు అత్యాధునిక ఆర్టిఫిషియల్ ఇంటెలిజెన్స్, రోబోటిక్స్‌ విద్యను అందించనుంది. విద్యార్థులకు విలువిద్య, గుర్రపుస్వారీ వంటి సంప్రదాయ కళల్లో శిక్షణ ఇస్తూనే.. వారిని స్వయం ఉపాధి దిశగా తీర్చిదిద్దడం ఈ సంస్థ ప్రధాన లక్ష్యం. ఒక కుటుంబం నుంచి ఒక్క విద్యార్థికి మాత్రమే ప్రవేశం కల్పిస్తూ.. రీఫండబుల్ డిపాజిట్ పద్ధతిలో అత్యుత్తమ వసతులతో కూడిన గురుకుల విద్యను ఈ సంస్థ అందిస్తోంది.