ఈనెల 30న 24 వేలకుపైగా పేద కుటుంబాలకు ఇళ్ల పట్టాల పంపిణీ... ఎక్కడంటే?

ఏపీలో కూటమి ప్రభుత్వం పేదలకు ఇళ్ల పట్టాలు అందించే కార్యక్రమాన్ని చేపట్టింది. ఈ నెల 30వ తేదీన విజయవాడలో 24 వేల కుటుంబాలకు ఇళ్ల పట్టాలను అందించనుంది. దీనికి సంబంధించి అధికారులు ఏర్పాట్లు చేస్తున్నారు. కృష్ణా జిల్లా, ఎన్టీఆర్ జిల్లాలోని పలు కుటుంబాలకు ఈ లబ్ధి చేకూరనుంది. ఆ కుటుంబాలకు యాజమాన్య హక్కుతో పాటు బ్యాంకు లోన్ వచ్చే సదుపాయాన్ని కూడా కల్పించనున్నారు. కాగా ఇప్పటికే విశాఖపట్నంలో 28 వేల కుటుంబాలకు సీఎం చంద్రబాబునాయుడు ఇళ్ల పట్టాలు అందించిన సంగతి తెలిసిందే.