ఉచిత గ్యాస్ సిలిండర్ల కోసం బుకింగ్ స్టార్ట్.. ఇవి ఉంటే గ్యాస్ మీ ఇంటికే

ఏపీవాసులకు అలర్ట్.. ఉచిత గ్యాస్ సిలిండర్ల కోసం బుకింగ్ మొదలైంది. దీపావళి నుంచి మూడు ఉచిత గ్యాస్ సిలిండర్ల పంపిణీ మొదలు కానుండగా.. బుకింగ్ మాత్రం మంగళవారమే మొదలైంది. దీంతో లబ్ధిదారులు గ్యాస్ ఏజెన్సీల వద్ద బారులు తీరారు. దీపం పథకంలో భాగంగా ఏడాదికి మూడు ఉచిత గ్యాస్ సిలిండర్లు అందివ్వనున్నారు. సిలిండర్ సబ్సిడీ రూ.851లను ప్రభుత్వం లబ్ధిదారుల బ్యాంకు ఖాతాల్లో జమచేయనుంది. బుధవారం సీఎం చంద్రబాబు నాయుడు ఈ పథకాన్ని ప్రారంభిస్తారు.