ఉచితమని వినపడగానే.. మార్కెట్లోకి దూరి మరీ ఉల్లిని ఊడ్చేశారు.. ఏం హుషారుగా ఉన్నార్రా సామీ.!

ఓ వైపు ఉల్లికి సరైన ధర లేక ఉల్లి రైతులు అల్లాడుతుంటే.. మరోవైపు జనం ఉల్లి బస్తాలను ఎత్తుకెళ్లిన ఘటన కర్నూలు వ్యవసాయ మార్కెట్ యార్డులో చోటుచేసుకుంది. మార్కెట్ వద్ద ఉల్లిని ఉచితంగా ఇస్తున్నారన్న ప్రచారంతో స్థానికులు ఉల్లి గడ్డల కోసం ఎగబడ్డారు. ఆటోలు, రిక్షాలు, బైక్‌లు ఇలా ఏది అందుబాటులో ఉంటే దానిలో వచ్చేసి.. ఎవరికి దొరికింది వారు ఎత్తుకుపోయారు. పోలీసులు వచ్చేలోపే చాలా బస్తాలను ఎత్తుకెళ్లారు. ఈ వీడియో ఇప్పుడు సోషల్ మీడియాలో వైరల్ అవుతోంది.