ఉప్పల్ నల్ల చెరువులో చేపలే చేపలు.. పట్టుకునేందుకు ఎగబడ్డ జనాలు.. దొరికినోడికి దొరికినన్ని..

హైదరాబాద్‌లోని ఉప్పల్ నల్లచెరువు వద్ద శనివారం వింత దృశ్యం కనిపించింది. చెరువులో నీటి మట్టం తగ్గడంతో చేపలు పట్టేందుకు స్థానికులు భారీగా ఎగబడ్డారు. పారిశ్రామిక వ్యర్థాలు, రసాయనాలు, మురుగునీటితో నిండిన ఈ చెరువులో పెరిగే చేపలను తినడం అంటే రోగాలను కొనితెచ్చుకోవడమే అని నిపుణులు హెచ్చరిస్తున్నారు. మరోవైపు.. ఇక్కడ జరుగుతున్న సుందరీకరణ పనులకు తోడు ఈ చేపల వేటను చూసేందుకు జనం వాహనాలు ఆపడంతో ఉప్పల్ రోడ్డులో భారీగా ట్రాఫిక్ నిలిచిపోయింది. ఉచితంగా దొరుకుతున్నాయని ప్రాణాల మీదకు తెచ్చుకోవద్దని అధికారులు హెచ్చరిస్తున్నారు.