ఊరి ఆడబిడ్డ కోసం గ్రామమంతా ఒక్కటైంది.. పెళ్లి నుంచి సారె వరకూ.. శెభాష్..

కుటుంబసభ్యులనే సరిగా పట్టించుకోని ఈ పరిస్థితుల్లో ఓ ఆడబిడ్డ పెళ్లి కోసం ఊరంతా కదిలివచ్చింది. తమ ఊరి అమ్మాయి వివాహం కోసం అండగా నిలిచింది. తల్లిదండ్రులు లేక.. ఆర్థికంగా ఇబ్బందులు పడుతున్న ఆ యువతికి తామున్నామంటూ అండగా నిలిచింది. పెళ్లి కుమార్తెను చేయడం దగ్గర నుంచి వివాహ తంతు జరిపించేంత వరకూ ఊరంతా ఒక్కటై ఆమె వెంట నిలిచింది. అనకాపల్లి జిల్లా రావికమతం మండలంలోని చినపాచిల గ్రామంలో ఈ ఘటన జరిగింది.