ఎంతకు తెగించార్రా.. వీడిన డెడ్ బాడీ పార్శిల్ మిస్టరీ.. పోలీసుల అదుపులో నిందితులు

సంచలనం సృష్టించిన పశ్చిమ గోదావరి జిల్లా యండగండి చెక్కపెట్టెలో మృతదేహం కేసును పోలీసులు చేధించారు. తన వదిన తులసిని బెదిరించి ఆస్తి కాజేసేందుకు మరిది శ్రీధర్‌వర్మ, అతడి రెండో భార్య రేవతి, ప్రియురాలు సుష్మ కలిసి ఈ పథకం రచించినట్లు పోలీసులు గుర్తించారు. ఎవరూ లేని పర్లయ్య అనే వ్యక్తిని హత్య చేసి.. అతని మృతదేహాన్ని చెక్కెపెట్టెలో పార్శిల్ చేసినట్లు గుర్తించారు. ఈ పార్శి్ల్ ద్వారా భయపెట్టి తులసి నుంచి ఆస్తి కాజేయాలని పథకం పన్నినట్లు పోలీసుల విచారణలో వెల్లడైంది. ముగ్గురు నిందితులను పోలీసులు అదుపులోకి తీసుకున్నారు. ఈ మొత్తం ఎపిసోడ్‌లో పోలీసులకు చిక్కకుండా ఉండేందుకు శ్రీధర్ వర్మ 40కి పైగా సిమ్ కార్డులు ఉపయోగించడం గమనార్హం. అలాగే అతడి బ్యాంక్ అకౌంట్‌ల్లో ఏకంగా 2 కోట్ల నగదు ఉన్నట్లు సమాచారం.