ఎట్టకేలకు పంచాయతీ ఎన్నికలకు గ్రీన్‌సిగ్నల్..! బీసీలకు పార్టీ పరంగా 42 శాతం సీట్లు..

తెలంగాణలో స్థానిక సంస్థల ఎన్నికల కోసం కాంగ్రెస్ పార్టీ ఒక కీలక నిర్ణయం తీసుకుంది. బీసీలకు 42 శాతం రిజర్వేషన్లు కల్పిస్తూ టికెట్లు కేటాయించాలని పార్టీ నిర్ణయించింది. గాంధీభవన్‌లో జరిగిన రాజకీయ వ్యవహారాల కమిటీ సమావేశంలో ఈ అంశంపై చర్చించారు. అదేవిధంగా ఓట్ చోరీ, గద్దీ ఛోడ్ ఉద్యమం చేపట్టాలని.. దాని లోగోను ఆవిష్కరించారు. యూరియా కొరత, జూబ్లీహిల్స్ ఉప ఎన్నిక వంటి విషయాలపైనా నేతలు చర్చించారు. ఈ సమావేశంలో ముఖ్యమంత్రి రేవంత్‌రెడ్డితో పాటు ఇతర సీనియర్ నేతలు కూడా పాల్గొన్నారు.