ఎన్నికల సంఘానికి బీఆర్‌ఎస్‌ పార్టీ రిక్వెస్ట్.. ‘కారు గుర్తును పోలినవి తొలగించండి’

రాష్ట్రంలో త్వరలో జరగబోయే ఎన్నికల్లో కారు గుర్తును పోలిన గుర్తుల వల్ల బీఆర్ఎస్ పార్టీకి నష్టం వాటిల్లుతోందని ఆ పార్టీ ఆందోళన వ్యక్తం చేస్తోంది. గత ఎన్నికల్లో రోడ్డు రోలర్ గుర్తు కారణంగా ఓట్లు కోల్పోవాల్సి వచ్చిందని బీఆర్ఎస్ నేతలు అంటున్నారు. ఈ నేపథ్యంలో, కారు గుర్తును పోలిన రొట్టె పీట, కెమెరా, షిప్ గుర్తులను తొలగించాలని ఎన్నికల సంఘానికి విజ్ఞప్తి చేసింది. ఎన్నికల సంఘం దీనిపై ఎలా స్పందిస్తుందో చూడాలి.