ఎన్నికలప్పుడే పవన్ కళ్యాణ్ గురించి చెప్పా.. మందకృష్ణ మాదిగ సంచలన వ్యాఖ్యలు

ఏపీ డిప్యూటీ సీఎం పవన్ కళ్యాణ్.. హోంశాఖపై చేసిన వ్యాఖ్యల తాలూకూ రచ్చ చల్లారడం లేదు. ఈ విషయమై ఎమ్మార్పీఎస్ వ్యవస్థాపక అధ్యక్షుడు మందకృష్ణ మాదిగ స్పందించారు. పవన్ కళ్యాణ్ వ్యాఖ్యలు దళిత హోంమంత్రిని అవమానించేలా ఉన్నాయని మండిపడ్డారు. ఎన్నికల సమయంలోనే పవన్ కళ్యాణ్ గురించి అసంతృప్తి వ్యక్తం చేశామన్న మందకృష్ణ మాదిగ.. సామాజిక న్యాయమని చెప్పే పవన్ కళ్యాణ్ ఒక్క దళితుడికైనా సీటిచ్చారా అని ప్రశ్నించారు. మరోవైపు సీఎం చంద్రబాబును కలిసిన మందకృష్ణ మాదిగ.. ఎస్సీ వర్గీకరణ ప్రక్రియ వేగంగా పూర్తిచేయాలని కోరారు.