ఎల్ఆర్ఎస్(LRS) రూల్స్‌కు సవరణలు.. మే 31 వరకే ఛాన్స్..

తెలంగాణ ప్రభుత్వం భూముల క్రమబద్ధీకరణ ప్రక్రియను సులభతరం చేస్తూ నిబంధనలను సవరించింది. రిజిస్టర్డ్ గిఫ్ట్ డీడ్/రిజిస్టర్డ్ ఎక్స్ఛేంజ్ డీడ్, వారసత్వం ద్వారా పొందిన భూములలోని ఆమోదం లేని లేఅవుట్లను కూడా క్రమబద్ధీకరించుకునే అవకాశం కల్పించింది. LRS గడువును మే 31 వరకు పొడిగించింది. ఫీజులపై 25% రాయితీని అందిస్తోంది. ఈ సవరణలు, గడువు పొడిగింపు ద్వారా ప్రభుత్వం అక్రమ లేఅవుట్లలోని ప్లాట్ల యజమానులకు మరింత వెసులుబాటు కల్పించాలని లక్ష్యంగా పెట్టుకుంది.