ఎల్పీజీ గ్యాస్ కొరత.. మార్కెట్లో వారికి పెరిగిన డిమాండ్.. యుద్ధం కల్పించిన అవకాశం!

పశ్చిమాసియాలో నెలకొన్న యుద్ధ వాతావరణం నేపథ్యంలో మనదేశంలో వాణిజ్య ఎల్పీజీ గ్యాస్ సిలిండర్ల కొరత వేధిస్తోంది. దీంతో హోటళ్లు, హాస్టళ్లతో పాటుగా క్యాటరింగ్ పరిశ్రమపైనా ఈ ప్రభావం పడింది. పెళ్లిళ్లు, పండుగల సీజన్ కావటంతో క్యాటరింగ్ వ్యాపారులకు ఇది మంచి సీజన్‌గా చెప్పవచ్చు. అయితే గ్యాస్ కొరత కారణంగా క్యాటరింగ్ సేవలు అందించేందుకు ఆటంకం కలుగుతోంది. దీంతో కొత్త బుకింగ్‌లు తీసుకోవటానికి క్యాటరింగ్ వ్యాపారులు ఇష్టపడటం లేదు. మరికొందరు కట్టెలపొయ్యిలను ఆశ్రయిస్తున్న పరిస్థితి. దీంతో కట్టెల పొయ్యిపై వివిధ రకాల వంటకాలు చేసే చెఫ్‌లకు మార్కెట్లో డిమాండ్ పెరిగిందని క్యాటరింగ్ వర్గాలు చెప్తున్నాయి.