ఏపీ ప్రభుత్వ ఉద్యోగులకు ఐఐటీ, ఐఐఎంలతో శిక్షణ.. సీఎం చంద్రబాబు కీలక ఆదేశాలు

మిషన్ కర్మయోగి ద్వారా ప్రభుత్వ ఉద్యోగుల కెపాసిటి బిల్డింగ్‌లో ఆంధ్రప్రదేశ్ అగ్రగామిగా నిలిచింది. ఐగాట్-కర్మయోగి ప్లాట్‌ఫామ్ ద్వారా రెండు కోట్ల సామర్థ్య పెంపు కోర్సులను పూర్తి చేసినట్టు అధికారులు తెలిపారు. దక్షిణాది రాష్ట్రాల్లో ఏపీ మొదటి వరుసలో నిలిచింది. విజయవాడలో నిర్వహించిన ప్రాంతీయ మిషన్ కర్మయోగి వర్క్‌షాప్‌లో ఆంధ్రప్రదేశ్ అవార్డు అందుకుంది. తర్వాతి స్థానంలో కర్ణాటక, ఒడిశా నిలిచాయి. అయితే, ఉద్యోగులకు మరింత నైపుణ్యాల శిక్షణ కోసం ఐఐటీ, ఐఐఎంలతో ఒప్పందాలు చేసుకోవాలని సీఎం సూచించారు.