ఏపీ ప్రభుత్వ స్కూల్‌లో ఇంగ్లాండ్ స్టార్ ఫుట్‌బాల్ ప్లేయర్ బెక్‌హామ్ సందడి

ఇంటర్నేషనల్ ఫుట్‌బాల్‌ ప్లేయర్ డేవిడ్‌ బెక్‌హామ్‌ ఆంధ్రప్రదేశ్‌లో పర్యటించారు. ఈ మేరకు వీడియోను మంత్రి నారా లోకేష్ ట్వీట్ చేశారు. బెక్‌హామ్‌కు ధన్యవాదాలు తెలిపారు. యూనిసెఫ్ ఇండియా గుడ్‌విల్ అంబాసిడర్‌గా.. బెక్‌హామ్ ప్రభుత్వ పాఠశాలకు రావడం, విద్యార్థినులతో సరదగా మాట్లాడటం ఆనందంగా ఉందన్నారు. బెక్‌హామ్ ఇంటరాక్షన్‌ విద్యార్థినులలో ఎంతో ఉత్సాహాన్ని నింపిందన్నారు. స్కూల్‌లో అమ్మాయిలు బెక్‌హామ్ వంటి గొప్ప ఫుట్‌బాల్ ప్లేయర్ దగ్గర ఆటలో మెళుకువలు నేర్చుకోవడం ఎప్పటికి మర్చిపోలేనిది అన్నారు. విజయనగరం జిల్లా జమ్మాదేవిపేట సమీపంలోని మహాత్మా జ్యోతిబాఫులే బీసీ గర్ల్స్ రెసిడెన్షియల్‌ స్కూల్‌‌లో సందడి చేశారు. బాలికల ఫుట్‌బాల్ స్కిల్స్, విద్యార్థులు చేసిన ప్రాజెక్టులు, బడి ప్రాంగణాన్ని పరిశీలించారు. అనంతరం విద్యార్థినులతో కలిసి కాసేపు ఫుడ్‌బాల్‌ ఆడారు.