ఏపీ ప్రభుత్వం కీలక నిర్ణయం.. ఆ విభాగం మూసివేత.. సిబ్బంది, ఆస్తులు, అప్పులు బదిలీ

ఏపీ ప్రభుత్వం సోమవారం రెండు కీలక నిర్ణయాలు తీసుకుంది. 2018లో ప్రారంభించిన శాప్‌నెట్ మూసివేయాలని ఏపీ ప్రభుత్వం నిర్ణయం తీసుకుంది. ఈ మేరకు ఉత్తర్వులు జారీ చేసింది. శాప్ నెట్ ఆస్తులు, అప్పులు, కాంట్రాక్టు ఉద్యోగులను ఉన్నత విద్యామండలికి బదిలీ చేయనున్నారు. అలాగే వైసీపీ ప్రభుత్వ హయాంలో గోప్యంగా ఉంచిన జీవోలను ప్రజలకు అందుబాటులోకి తేవాలని ప్రభుత్వం నిర్ణయించింది. దీనిపై సాధారణ పరిపాలన శాఖ కార్యదర్శి నుంచి ఐటీ, ఎలక్ట్రానిక్స్ శాఖ ఉద్యోగులకు ఆదేశాలు వెళ్లాయి.