ఏపీ ప్రభుత్వం గుడ్ న్యూస్.. ఆ విద్యార్థులకు రూ.20 వేలు.. జూన్ 9న, మార్గదర్శకాలు విడుదల

ఆంధ్రప్రదేశ్ ప్రభుత్వం మరో కీలక నిర్ణయం తీసుకుంది. విద్యావ్యవస్థలో నాణ్యతా ప్రమాణాలు పెంచడంతో పాటుగా.. విద్యార్థులలో పోటీతత్వాన్ని పెంపొందించేందుకు షైనింగ్ స్టార్స్ పేరుతో అవార్డులు ఇవ్వాలని నిర్ణయించింది. పదో తరగతి, ఇంటర్ విద్యార్థులకు ఈ షైనింగ్ స్టార్స్ అవార్డులు ఇస్తారు. షైనింగ్ స్టార్స్ అవార్డుల కోసం ఏపీ పాఠశాల విద్యాశాఖ మార్గదర్శకాలు విడుదల చేసింది. జూన్ 9న విద్యార్థులకు అవార్డులతో పాటుగా.. రూ.20 వేలు చొప్పున నగదు ప్రోత్సాహకం అందించనున్నారు.