ఏపీ హైకోర్టు ఆన్‌లైన్‌ విచారణలోకి నగ్నంగా వచ్చిన వ్యక్తి.. అందరూ అవాక్కు, ఏమైందంటే

AP High Court Naked Man: ఆంధ్రప్రదేశ్ హైకోర్టు ఆన్‌లైన్‌ విచారణలో ఓ వ్యక్తి నగ్నంగా ప్రత్యక్షమయ్యాడు. ఈ నెల 15వ తేదీన కిట్టు అనే పేరుతో ఓ వ్యక్తి మైక్రోసాఫ్ట్‌ టీమ్స్‌ యాప్‌ ద్వారా 17వ కోర్టులోకి లాగిన్‌ అయ్యాడు. అతడు ఒంటిపై బట్టలు లేకుండా మంచంపై పడుకుని మాట్లాడుతూ కోర్టు కార్యకలాపాలకు ఇబ్బంది కలిగించాడు. వెంటనే అప్రమత్తమైన సిబ్బంది ఆ వ్యక్తిని బ్లాక్‌ చేశారు. ఘటనపై హైకోర్టు ఐటీ రిజిస్ట్రార్ ఏడుకొండలు తుళ్లూరు పోలీసులకు ఫిర్యాదు చేయగా.. కేసు నమోదు చేశారు.