ఏపీఎస్ఆర్టీసీకి పండగ తెచ్చిన సంక్రాంతి.. భారీగా ఆదాయం.. ఎంతంటే?

ఏపీఎస్ఆర్టీసీకి సంక్రాంతి పండుగ భారీగా ఆదాయం తెచ్చిపెట్టింది. సంక్రాంతి పండుగ సీజన్ సందర్భంగా ఏపీఎస్ఆర్టీసీకి రూ.23.71 కోట్లు ఆదాయం వచ్చినట్లు ఆర్టీసీ అధికారులు వెల్లడించారు. సాధారణ సర్వీసులతో పాటుగా సంక్రాంతి పండుగ సందర్భంగా ఏపీఎస్ఆర్టీసీ ప్రత్యేక బస్సులు కూడా ఏర్పాటు చేసింది. జనవరి 8 నుంచి 13 వరకూ సంక్రాంతి పండుగకు వచ్చేవారికోసం.. అలాగే తిరుగు ప్రయాణం కోసం జనవరి 16 నుంచి 20 వరకూ ఏపీఎస్ఆర్టీసీ ప్రత్యేక బస్సులు నడిపింది. దీంతో భారీగా ఆదాయం వచ్చినట్లు అధికారులు చెప్తున్నారు