ఏపీకి కేంద్రం తీపికబురు.. 15వ ఆర్థిక సంఘం నిధులు విడుదల

ఆంధ్రప్రదేశ్ రాష్ట్రానికి కేంద్రం తీపికబురు వినిపించింది. 15వ ఆర్థిక సంఘం నిధులు విడుదల చేసింది. 2024-25 ఆర్థిక సంవత్సరానికి సంబంధించి 15వ ఆర్థిక సంఘం గ్రాంట్లను కేంద్ర ప్రభుత్వం విడుదల చేసింది. ఆంధ్రప్రదేశ్ రాష్ట్రానికి రూ.446.49 కోట్లు విడుదల చేయగా.. యూపీకి రూ.1598 కోట్లు విడుదల చేశారు. ఈ ఆర్థిక సంవత్సరంలో రెండో విడత గ్రాంట్ కింద ఈ నిధులు విడుదల చేసినట్లు కేంద్ర పంచాయతీరాజ్ శాఖ తెలిపింది. ఈ నిధులను గ్రామీణ స్థానిక సంస్థలకు కేటాయించనున్నారు.