ఏపీకి కేంద్రం మరో శుభవార్త.. కేంద్ర మంత్రి అశ్వినీ వైష్ణవ్ ప్రకటన

భారతదేశాన్ని అంతర్జాతీయ ఎలక్ట్రానిక్స్ తయారీ కేంద్రంగా తీర్చిదిద్దాలనే లక్ష్యంతో కేంద్రం అడుగులు వేస్తోంది. అందులో భాగంగా ఎలక్ట్రానిక్స్ కాంపోనెంట్స్ తయారీ పథకం కింద తాజాగా 17 ప్రతిపాదనలకు కేంద్రం ఆమోదం తెలిపింది . తొమ్మిది రాష్ట్రాలలో ఈ 17 ప్రాజెక్టులు చేపట్టనున్నారు. అందులో ఆంధ్రప్రదేశ్ రాష్ట్రానికి కూడా చోటు కల్పించారు. ఈ 17 ప్రాజెక్టుల ద్వారా దేశవ్యాప్తంగా 7,172 కోట్ల పెట్టుబడి పెట్టనున్నారు. అలాగే 11,808 మందికి ప్రత్యక్షంగా ఉపాధి అవకాశాలు లభిస్తాయని కేంద్ర ప్రభుత్వం వెల్లడించింది.