ఏపీకి ప్రధాని మోదీ వరాలు.. 1.85 లక్షల కోట్లతో గ్రీన్ హైడ్రోజన్ హబ్.. విశేషాలు ఇవే..!

ఏపీ పారిశ్రామిక రంగానికి ఊతమిచ్చేలా.. రాష్ట్ర పురోభివృద్ధి దిశగా కీలక అడుగులు పడ్డాయి. సుమారుగా 2.08 లక్షల కోట్ల విలువైన ప్రాజెక్టులకు ప్రధానమంత్రి నరేంద్ర మోదీ బుధవారం శంకుస్థాపనలు, ప్రారంభోత్సవాలు చేశారు. అందులో ప్రధానమైనది అనకాపల్లి జిల్లా పూడిమడకలో ఏర్పాటు కానున్న ఎన్టీపీసీ గ్రీన్ హైడ్రోజన్ హబ్. 1.85 లక్షల కోట్ల పెట్టుబడితో పూడిమడకలో ఎన్టీపీసీ గ్రీన్ హైడ్రోజన్ హబ్ ఏర్పాటు కానుంది. కేంద్ర ప్రభుత్వం ప్రారంభించిన నేషనల్ గ్రీన్ హైడ్రోజన్ మిషన్‌లో ఏర్పాటు కానున్న తొలి ప్రాజెక్టు ఇదే కావటం విశేషం.